Ab Aaiye Abdul Mustafa Sahab Ki Clip Sunte Hain
Is Clip Ko Sunne Aur Download Karne Ke Liye
Yahaan Click Karein
___________________________________
Assalam O Alaikum Wa Rehmatullahi Wa Barkatahu
League K Ta’lluq Se Huzoor Murshid E Barhaq Mazhar E Aalahazrat Imaamul Munazireen Sarkar E Sher Beshae Ahle Sunnat Ka Jo Mauqif Tha Wo Hi Haq Tha Aur Jiski Himaayat Akaabir Ulma E Ahle Sunnat Ne Farmaai, Bilkhusoos Huzoor Mufti E Azam Ne To Yahaan Tak Farmaaya Ki Jaise Mere Waalid E Maajid K Ooper Log Ye ilzaam Lagaate Hain K Wo Angrezon K Haami The, Waise Hi Mere Oopar Ye Ilzaam Lagaaya Ja Raha Hai Ki Mai League Ka Haami Tha...Goya Huzoor Sarkar Mufti E Azam E Hind Ne Bhi Hazrat Sher Beshae Ahle Sunnat K Mauqif Hi Ki Himaayat Farmaayi..
Aur Urs E Razvi K Mauqe Par Huzoor Mufti E Azam E Hind Ne Bashaarat E Uzma K Naam Se Ek Poster Shaayaa Kiya , Jisme Hazrat Ne Farmaya K Saare Ikhtelaafaat Khatm Ho Gaye.
Ab Us Maamle Ko Firse Kuredna Aur Uska Bayan Karna Ye Qata’an Munaasib Nahi Hai Aur Aisa Kisi Ko Karna Nahi Chaahiye.
League K Ta’alluq Se Huzoor Sher Beshae Ahle Sunnat Hi Nahi Balke Huzoor Sher Beshae Ahle Sunnat K Shaana Bashaana Hafiz E Millat Bhi The Aur Baitul Anwaar Gewalbigha Ke Maulana Seraaj Ul Huda Sahab The Aur Khud Marehra Mutah’hara K Us Waqt K Jitne Akaabir Ulma Mashaa’ikh The, Wo Sab Huzoor Sher Beshae Ahle Sunnat K Mauqif Ki Himaayat Farmaate The. Ab Agar League K Ta’lluq Se Hazrat Sher Beshae Ahle Sunnat K Mauqif Ko Galat Kaha Jaaye Aur Ye Kaha Jaaye Ki Unhone Hazrat E Sadrushshariya Se Aakar Maafi Maangi Tauba Kiya To Hafiz E Millat K Liye Bhi Kaha Jaaye Ki Wo Bhi Aake Tauba Karein Maafi Mangein Ya Marehra Shareef K Jin Buzurgon Ne Us Waqt Hazrat E Sher Beshae Ahle Sunnat K Mauqif Ki Taa’yid Ki Thi Unke Baare Me Bhi Kaha Jaaye Ki Unhe Bhi Tauba Karna Chaahiye Ye Sab Baatein Theek Nahi Hai Aisa Kisi Ko Nahi Kehna Chaahiye Allama Ne Jo Kuch Kaha Hai Hum Uski Taa’yid Nahi Kar Sakte Hai Isliye Ki Allama Ko Ye Baatein Kuredne Ka Koi Haq Nahi Hai.
Isliye K Huzoor Mufti E Azam Ne Bashaarat E Uzma Chapwa Kar Ye Aelaan Farma Diya K Ab Iske Baad Hum Logo K Darmiyaan Koi Ikhtelaaf Nahi Reh Gaya To Us Zamaane Me Jo Kuch Ikhtelaafaat Huey Wo Bhool Jaana Chaahiye Sab Aaapas Me Mil Gaye The Balke Huzoor Mufassir E Azam E Hind (Huzoor Tajush’sharia Ke Waalid) Ne To Pilibheet Shareef Me Ek Jalse Me Ba’baange Dohal Ye Aelaan Farmaaya K Sahi Baat Ye Hai Ki League K Ta’alluq Se Hum Log Apni Jagah Se Hat Gaye The Huzoor Aalahazrat K Maslak Par Sahi Maano Me Gaamzan Nahi Reh Sakey Magar Sher Beshae Ahle Sunnat Jo Sahi Maano Me Mazhar E Aalahazrat Hain Wo Usi Mauqif Par Qayam Rahe Jo Huzoor Aalahazrat Ka Mauqif Tha Allah Tabarak Wa Ta’ala Huzoor Sher Beshae Ahle Sunnat K Ehteraam Aur Tazeem Ki Taufeeq Ataa Farmaaye Aur Unke Mauqif Ki Himaayat Karne Ki Taufeeq Ataa Farmaaye
